മുഖ്യമന്ത്രി എന്നോടൊപ്പം: സർക്കാർ ‘സിറ്റിസൺ കണക്ട് സെന്റർ’ തുടങ്ങുന്നു

തിരുവനന്തപുരം വാർത്തകൾ | Malayalampulse.in

ഭരണവുമായി ജനങ്ങളെ നേരിട്ട് ബന്ധിപ്പിക്കാൻ കേരള സർക്കാർ സിറ്റിസൺ കണക്ട് സെന്റർ സംവിധാനം ആരംഭിക്കുന്നു. ‘മുഖ്യമന്ത്രി എന്നോടൊപ്പം’ (CM With Me) എന്ന പേരിൽ വരുന്ന പുതിയ സംവിധാനത്തിലേക്ക് പൊതുജനങ്ങൾക്ക് ടോൾ ഫ്രീ നമ്പറിൽ വിളിക്കാനോ നേരിട്ട് എത്താനോ കഴിയും.

ഏതാണ്ട് മുഴുവൻ സമയവും പ്രവർത്തിക്കുന്ന സംവിധാനമായിരിക്കും ഇതെന്ന് സർക്കാർ വ്യക്തമാക്കി. പ്രധാന സർക്കാർ പദ്ധതികൾ, ആനുകൂല്യങ്ങൾ, മേഖലയധിഷ്ഠിത സംരംഭങ്ങൾ, മുഖ്യമന്ത്രിയുടെ ദുരിതാശ്വാസനിധി തുടങ്ങിയവയെക്കുറിച്ചുള്ള വിവരം എളുപ്പത്തിൽ ലഭ്യമാക്കും.

പ്രധാന ലക്ഷ്യങ്ങൾ

സർക്കാർ പദ്ധതികളുടെ ഗുണനിലവാരം മെച്ചപ്പെടുത്തൽ കാലതാമസം കുറയ്ക്കൽ ജനങ്ങളുടെ അഭിപ്രായ ശേഖരണം അടിയന്തര ദുരിതാശ്വാസം ഏകോപനം

ആരോഗ്യം, വിദ്യാഭ്യാസം, അടിസ്ഥാന സൗകര്യം, പരിസ്ഥിതി തുടങ്ങിയ മേഖലകളിൽ ജനപങ്കാളിത്തം വർധിപ്പിക്കുകയാണ് പദ്ധതിയുടെ ലക്ഷ്യം.

സംവിധാനം പ്രവർത്തിക്കുന്ന വിധം

പൊതുജനങ്ങളുടെ ഫോൺ വിളികൾ ഉദ്യോഗസ്ഥർ നേരിട്ട് എടുക്കും ആവശ്യം രേഖപ്പെടുത്തും ബന്ധപ്പെട്ട വകുപ്പുകളുടെ ശ്രദ്ധയിൽപ്പെടുത്തി പരിഹാരം കണ്ടെത്താൻ ശ്രമിക്കും നടപടി വിവരങ്ങൾ വിളിച്ചയാളിനെ അറിയിക്കും തുടർ നടപടികൾക്ക് നിർദേശങ്ങളും നൽകും

നടത്തിപ്പ്

പരിചയസമ്പന്നരായ ഉദ്യോഗസ്ഥർ നിയമിക്കും KAS ഉദ്യോഗസ്ഥർ നേതൃത്വം നൽകും IAS ഉദ്യോഗസ്ഥർ മേൽനോട്ടം വഹിക്കും സാങ്കേതിക, അടിസ്ഥാന സൗകര്യങ്ങൾ KIIFB നൽകും

തിരുവനന്തപുരം വെള്ളയമ്പലത്ത് എയർ ഇന്ത്യയിൽ നിന്നെടുത്ത കെട്ടിടത്തിലാണ് സെന്റർ പ്രവർത്തനം തുടങ്ങുക. ഇതു സംബന്ധിച്ച നിർദേശം കഴിഞ്ഞ മന്ത്രിസഭാ യോഗം തത്ത്വത്തിൽ അംഗീകരിച്ചിട്ടുണ്ട്. തെരഞ്ഞെടുപ്പ് മുന്നിൽ കണ്ടാണ് പൊതുജനങ്ങളുമായുള്ള സർക്കാരിന്റെ ബന്ധം ശക്തിപ്പെടുത്താൻ ‘മുഖ്യമന്ത്രി എന്നോടൊപ്പം’ പദ്ധതി കൊണ്ടുവന്നിരിക്കുന്നത്.

https://chat.whatsapp.com/GbozGRg64j7KS2Gl29N9Qe?mode=ems_copy_h_c

👉 കൂടുതൽ വിവരങ്ങൾ പിന്നീട്…