മുഖ്യമന്ത്രിക്കെതിരെ കടുത്ത വിമര്ശനവുമായി മുന് മന്ത്രി G. Sudhakaran രംഗത്ത്. മുഖ്യമന്ത്രിയുടെ അഭിമുഖത്തിലെ പരാമര്ശങ്ങള്ക്കെതിരെയാണ് സുധാകരന്റെ പ്രതികരണം.
തനിക്കു മാതാപിതാക്കള് നല്കിയ പേരായ സുധാകരന് എന്നത് മാറ്റി “സുധാകുരന്” എന്ന് വിളിച്ചെന്നും, “ചെറ്റ” എന്ന പുതിയ പേരിട്ടെന്നും അദ്ദേഹം ആരോപിച്ചു. ഇത്തരത്തിലുള്ള പ്രയോഗങ്ങള് സമൂഹത്തിലെ പാവപ്പെട്ടവരെ അപമാനിക്കുന്നതാണെന്നും അദ്ദേഹം പറഞ്ഞു.
ഭാഷയുടെ അര്ഥാന്തരങ്ങള് മനസിലാക്കാതെയാണ് ഇത്തരം പദങ്ങള് ഉപയോഗിച്ചതെന്നും, പൊതുപ്രവര്ത്തകര് സംസാരിക്കുമ്പോള് കൂടുതല് ജാഗ്രത പാലിക്കണമെന്നും സുധാകരന് കൂട്ടിച്ചേര്ത്തു. എല്ലാ വിഭാഗം ജനങ്ങളും താമസിക്കുന്ന കേരളത്തില് ഇത്തരം പരാമര്ശങ്ങള് അംഗീകരിക്കാനാവില്ലെന്നും അദ്ദേഹം പറഞ്ഞു.
മുഖ്യമന്ത്രി ആ സ്ഥാനത്ത് തുടരാന് യോഗ്യതയില്ലെന്നും, ഇത്തരത്തിലുള്ള പ്രസ്താവനകള് ഭരണഘടനാ മൂല്യങ്ങള്ക്ക് വിരുദ്ധമാണെന്നും സുധാകരന് ആരോപിച്ചു. മുന്പും വിവിധ വ്യക്തികളെ അപമാനിക്കുന്ന തരത്തിലുള്ള പരാമര്ശങ്ങള് മുഖ്യമന്ത്രി നടത്തിയതായി അദ്ദേഹം ചൂണ്ടിക്കാട്ടി.
ഡിവൈഎഫ്ഐ, എസ്എഫ്ഐ സംഘടനകളെയും വിമര്ശിച്ച സുധാകരന്, ഇത്തരം പ്രസ്താവനകള് പാര്ട്ടിക്കുള്ളില് തന്നെ പ്രശ്നങ്ങള് സൃഷ്ടിക്കുമെന്നും അഭിപ്രായപ്പെട്ടു.
