രാവിലെ 22 കാരറ്റ് സ്വര്ണത്തിന് പവന് 600 രൂപ വർധിച്ച് ഒരു പവന് 98,800 രൂപയായിരുന്നു. ഉച്ചയോടെ വീണ്ടും 480 രൂപ കൂടി
ഇന്ന് രണ്ടാം തവണയും വിപണിയിൽ കുതിച്ചുയർന്ന് സ്വർണവില. ഇന്ന് മാത്രം 1080 രൂപയാണ് പവന് വർധിച്ചത്. രാവിലെ 22 കാരറ്റ് സ്വര്ണത്തിന് പവന് 600 രൂപ വർധിച്ച് ഒരു പവന് 98,800 രൂപയായിരുന്നു. ഉച്ചയോടെ വീണ്ടും 480 രൂപ കൂടി പവന് 99,280 രൂപയായി.
രാവിലെ വ്യാപാരാരംഭത്തിൽ തന്നെ പവന് 600 രൂപ വർധിച്ച് 98,800 രൂപയായിരുന്ന സ്വർണവില, ഉച്ചയോടെ വീണ്ടും 480 രൂപ കൂടി ഉയർന്നതോടെയാണ് പുതിയ ഉയരം രേഖപ്പെടുത്തിയത്. ഇതോടെ ഒരു ദിവസത്തിനുള്ളിൽ പവന് ആകെ 1,080 രൂപയുടെ വർധനയാണ് ഉണ്ടായത്.
ഗ്രാമിന് 60 രൂപ വർധിച്ച് 12,410 രൂപ എന്ന നിലയിലേക്കും 22 കാരറ്റ് സ്വർണവില ഉയർന്നു. ആഗോള വിപണിയിലെ വിലക്കയറ്റവും ഡോളറിന്റെ ചലനങ്ങളും ആഭ്യന്തര വിപണിയിൽ സ്വർണവില കുതിക്കാൻ കാരണമാകുന്നതായി വ്യാപാരികൾ പറയുന്നു.
തുടർച്ചയായ വിലവർധന വിവാഹ ആവശ്യങ്ങളും പൊതുജന വാങ്ങലുകളും ബാധിക്കുമെന്നാണ് വിലയിരുത്തൽ.
