ആകെ 45 പേരാണ് ഈ നമ്പറിനായി രംഗത്തെത്തിയത്. അടിസ്ഥാന ലേലത്തുക 50,000 രൂപയായി നിശ്ചയിച്ചിരുന്നു.
ഡൽഹി: ഇന്ത്യയുടെ വാഹന രജിസ്ട്രേഷൻ ചരിത്രത്തിൽ ഏറ്റവും ഉയർന്ന വിലയ്ക്ക് വിറ്റുപോയ ഫാൻസി നമ്പർ എന്ന റെക്കോർഡ് ‘HR88B8888’ സ്വന്തമാക്കി. ബുധനാഴ്ച നടന്ന ഓൺലൈൻ ലേലത്തിലാണ് ഈ നമ്പർ 1.17 കോടി രൂപയ്ക്ക് വിറ്റുപോയത്. ഈ ആഴ്ച ലേലത്തിന് വച്ച എല്ലാ നമ്പറുകളിലും ഏറ്റവും കൂടുതൽ അപേക്ഷ ലഭിച്ചത് ഇതിന്റെയാണ് — ആകെ 45 പേർ നമ്പർ നേടാൻ രംഗത്തെത്തി. അടിസ്ഥാന ലേലത്തുക വെറും 50,000 രൂപ മാത്രമായിരുന്നു.
ഹരിയാനയിലെ ഫാൻസി നമ്പർ ലേലങ്ങൾ എല്ലാ വാരാന്ത്യങ്ങളിലും fancy.parivahan.gov.in പോർട്ടലിലൂടെ നടത്തി വരുന്നു. സാധാരണ വെള്ളിയാഴ്ച വൈകീട്ട് അഞ്ചിന് ആരംഭിക്കുന്ന ലേലം തിങ്കളാഴ്ച രാവിലെ ഒൻപത് മണിവരെയാണ് നീളുന്നത്. എന്നാൽ ഈ നമ്പറിന്റെ മത്സരമൂലം ലേലത്തിലെ തുക ഓരോ മിനിറ്റിലും ഉയർന്ന് 88 ലക്ഷം കടന്നത് ശനിയാഴ്ച 12 മണിയോടെ ആയിരുന്നു. ഒടുവിൽ തിങ്കളാഴ്ച വൈകുന്നേരം 5 മണിക്ക് 1.17 കോടി രൂപയിലേക്കാണ് വില കുതിച്ചത്.
ഇതിനു മുന്നെ, കഴിഞ്ഞ ആഴ്ച ‘HR22W2222’ എന്ന ഫാൻസി നമ്പർ 37.91 ലക്ഷം രൂപയ്ക്ക് വിറ്റുപോയിരുന്നു.
HR88B8888എന്ന നമ്പറിന്റെ അർത്ഥം എന്താണ്? (Explainer)
HR → ഹരിയാന സംസ്ഥാനത്തെ വാഹന രജിസ്ട്രേഷൻ കോഡ് 88 → ഹരിയാനയിലെ ഒരു നിർദ്ദിഷ്ട ആർടിഒ അല്ലെങ്കിൽ ജില്ല B → ആ ആർടിഒ നൽകുന്ന നിർദ്ദിഷ്ട സീരീസ് കോഡ് 8888 → പ്രീമിയം മൂല്യമുള്ള, ഒരേ അക്കം ആവർത്തിക്കുന്ന നാലക്ക വിഐപി നമ്പർ
‘8888’ എന്നത് ഇന്ത്യയിലെ ഏറ്റവും ഡിമാൻഡ് ഉയർന്ന ലക്കി നമ്പറുകളിലൊന്നാണ്. ‘8’ സമ്പത്ത്, ഭാഗ്യം, സ്ഥിരത എന്നിവയുടെ ചിഹ്നമായി ഏഷ്യൻ നമ്പറോളജിയിൽ കണക്കാക്കപ്പെടുന്നു; അതുകൊണ്ടാണ് ഇത്തരം 8-അക്ക കോംബിനേഷനുകൾക്ക് അതി ഉയർന്ന വില ലഭിക്കുന്നത്.
സീരീസ് ഉൾപ്പെടെ നോക്കുമ്പോൾ HR – 88 – B – 8888 എന്നത് ഒരു പൂർണ്ണ “8 pattern” ആണ് എന്നതും ഈ നമ്പറിന്റെ വില അതിശയകരമായി ഉയരാൻ കാരണമായി.
