തിരുവനന്തപുരം: ഐഫോൺ സ്വന്തമാക്കാൻ ആഗ്രഹിക്കുന്നവർക്ക് സന്തോഷവാർത്ത. സ്വകാര്യ ബാങ്കായ ഐസിഐസിഐ ബാങ്ക് ഉപഭോക്താക്കൾക്കായി വമ്പൻ ഓഫർ പ്രഖ്യാപിച്ചു. സെപ്റ്റംബർ 23 മുതൽ ഒക്ടോബർ 2 വരെ നടക്കുന്ന ഫ്ളിപ്കാർട്ട് ബിഗ് ബില്യൺ ഡേയ്സുമായി സഹകരിച്ചാണ് ഓഫർ ഒരുക്കിയിരിക്കുന്നത്.
ഫെസ്റ്റീവ് ബൊണാൻസ ഓഫറിന്റെ ഭാഗമായി, ആപ്പിളിന്റെ അംഗീകൃത സ്റ്റോറുകളിൽ ഐസിഐസിഐ ബാങ്ക് ക്രെഡിറ്റ്/ഡെബിറ്റ് കാർഡുകളോ ഇഎംഐകളോ ഉപയോഗിക്കുന്നവർക്ക് ₹6000 വരെ ക്യാഷ്ബാക്ക് ലഭിക്കും.
കൂടാതെ, iPhone for Life പ്രോഗ്രാം വഴി 24 സൗജന്യ ഇഎംഐകളിൽ, ഏറ്റവും പുതിയ ഐഫോൺ 17 സ്വന്തമാക്കാൻ ഫോൺ വിലയുടെ 75% മാത്രം അടച്ചാൽ മതി.
വൺപ്ലസ് ഫോണുകൾക്ക് ₹5000 വരെയും, Nothing ഫോണുകൾക്ക് ₹15000 വരെയും ഓഫർ ലഭിക്കും.
ഐസിഐസിഐ ബാങ്ക് എക്സിക്യൂട്ടീവ് ഡയറക്ടർ രാകേഷ് ഝാ പറഞ്ഞു: “എല്ലാ വർഷവും ഞങ്ങളുടെ ഫെസ്റ്റീവ് ബൊണാൻസ ഉത്സവ സീസൺ മുന്നോട്ട് കൊണ്ടുപോകുന്നതിൽ സന്തോഷമുണ്ട്. ഉപഭോക്താക്കളുടെ ആവശ്യങ്ങൾക്കാണ് പ്രാധാന്യം. വിവിധ പേയ്മെന്റ് ഓപ്ഷനുകളിലൂടെ ഓഫർ ലഭ്യമാകും.”
