കൊച്ചി:
എഡിജിപി എം.ആർ. അജിത് കുമാറിനെതിരായ അനധികൃത സ്വത്ത് സമ്പാദനക്കേസിൽ പ്രോസിക്യൂഷൻ അനുമതിയില്ലാതെ കേസ് എടുത്ത മജിസ്ട്രേറ്റ് കോടതിയുടെ നടപടിയിൽ വീഴ്ചയുണ്ടെന്ന് ഹൈക്കോടതി അഭിപ്രായപ്പെട്ടു.
🔹 ഹൈക്കോടതിയുടെ നിരീക്ഷണങ്ങൾ:
അന്വേഷണ നടപടിക്രമങ്ങൾ പാലിച്ചോ എന്ന് പരിശോധിക്കണമെന്ന് നിർദേശം. വിജിലൻസിൽ നിന്ന് റിപ്പോർട്ട് തേടി. “ഹൈക്കോടതി ജഡ്ജിക്കെതിരെ ജില്ലാ ജഡ്ജി അന്വേഷണം നടത്തിയാൽ എങ്ങനെയിരിക്കും?” എന്ന ശക്തമായ പരാമർശം. അന്വേഷണം നടത്തിയത് സീനിയർ ഓഫീസർ ആണോ ജൂനിയർ ഓഫീസർ ആണോ? എന്ന ചോദ്യവും കോടതി ഉന്നയിച്ചു. നിയമവശങ്ങൾ കൂടി പരിശോധിക്കും, ഹരജി നാളെ വീണ്ടും പരിഗണിക്കും.
🔹 അജിത് കുമാറിന്റെ വാദം:
വിജിലൻസ് അന്വേഷണം നടത്തി ക്ലീൻചിറ്റ് നൽകിയിട്ടുണ്ട്. വിജിലൻസ് റിപ്പോർട്ട് തള്ളിയ തിരുവനന്തപുരം പ്രത്യേക കോടതിയുടെ ഉത്തരവിനെതിരെയാണ് ഹൈക്കോടതിയെ സമീപിച്ചതെന്നും അജിത് കുമാർ വാദിച്ചു.
