കുവൈത്ത് സിറ്റി: കുവൈത്തിൽ വിഷമദ്യം കഴിച്ച് പത്ത് പ്രവാസികൾ മരിച്ചതായി റിപ്പോർട്ടുകൾ. മരിച്ചവരിൽ മലയാളികളും ഉണ്ടാകാമെന്ന സൂചന ലഭിച്ചിട്ടുണ്ട്. വിഷമദ്യം കഴിച്ച് നിരവധി പേർ ആശുപത്രിയിൽ ചികിത്സയിലാണ്.
പ്രാദേശിക മാധ്യമങ്ങൾ പ്രകാരം, പ്രാഥമിക പരിശോധനയിൽ മദ്യത്തിൽ നിന്ന് വിഷബാധയേറ്റതാണെന്ന് സ്ഥിരീകരിച്ചിട്ടുണ്ട്. ജലീബ് ബ്ലോക്ക് ഫോറിൽ നിന്നാണ് പ്രവാസികൾ മദ്യം വാങ്ങിയതെന്നാണ് വിവരം. കഴിഞ്ഞ ഞായറാഴ്ച വിഷബാധയേറ്റ് 15-ഓളം പ്രവാസികളെ ഫർവാനിയ, അദാൻ ആശുപത്രികളിൽ പ്രവേശിപ്പിച്ചു. ചികിത്സയിലിരുന്നവരിൽ പത്ത് പേർ കഴിഞ്ഞ ദിവസങ്ങളിൽ മരിച്ചു.
അഹമ്മദി ഗവർണറേറ്റിലുമുള്ള ചിലർ ഗുരുതരാവസ്ഥയിൽ തുടരുകയാണെന്നും റിപ്പോർട്ടുകൾ വ്യക്തമാക്കുന്നു. കൂടുതൽ വിവരങ്ങൾ പിന്നീട് ലഭ്യമാകും.
