സംഭവത്തിന്റെ പശ്ചാത്തലം ഇങ്ങനെയാണ്: 30 വർഷത്തിന് ശേഷം പെരിന്തൽമണ്ണ നഗരസഭ യുഡിഎഫ് പിടിച്ചെടുത്തതിന്റെ വിജയാഘോഷം ഞായറാഴ്ച വൈകിട്ട് നഗരത്തിൽ നടന്നിരുന്നു. ഇതിനിടെ സിപിഎം ഓഫീസിനു നേരെ കല്ലേറുണ്ടായി എന്ന് ആരോപിച്ച്, രാത്രി 9 മണിയോടെ മുസ്ലിം ലീഗ് ഓഫീസിനു നേരെയും ആക്രമണമുണ്ടായി. പ്രകടനമായെത്തിയ സിപിഎം പ്രവർത്തകരാണ് ആക്രമണത്തിന് പിന്നിലെന്ന് ലീഗ് നേതൃത്വം ആരോപിച്ചു. എന്നാൽ സിപിഎം ഇത് നിഷേധിച്ചു.
സംഭവത്തിൽ പ്രതിഷേധിച്ച് നജീബ് കാന്തപുരം എം.എൽ.എയുടെയും നാലകത്ത് സൂപ്പിയുടെയും നേതൃത്വത്തിൽ മുസ്ലിം ലീഗ് പ്രവർത്തകർ ദേശീയപാത ഉപരോധിച്ചു. കോഴിക്കോട്–പാലക്കാട് ദേശീയപാതയിലെ ഉപരോധം അർധരാത്രിയിലും തുടർന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
