മുന് കെപിസിസി അധ്യക്ഷനും മുതിര്ന്ന കോണ്ഗ്രസ് നേതാവുമായ പി.പി. തങ്കച്ചന് ആദരാഞ്ജലികള്. പെരുമ്പാവൂര് നിയോജകമണ്ഡലത്തെ പ്രതിനിധീകരിച്ച് ഏഴ്, എട്ട്, ഒമ്പത്, പത്ത് കേരള നിയമസഭകളില് അംഗമായിരുന്നു അദ്ദേഹം.
രാഷ്ട്രീയ ജീവിതത്തില് നിരവധി സുപ്രധാന പദവികള് അദ്ദേഹം വഹിച്ചിട്ടുണ്ട്. 1995 മെയ് 3 മുതല് 1996 മെയ് 9 വരെ കൃഷി മന്ത്രിയായി സേവനമനുഷ്ഠിച്ചു. പ്രതിപക്ഷ ചീഫ് വിപ്പ്, കോണ്ഗ്രസ് നിയമസഭാ കക്ഷി സെക്രട്ടറി , പെരുമ്പാവൂര് മുനിസിപ്പല് കൗണ്സില് ചെയര്മാന്, എറണാകുളം ഡി.സി.സി പ്രസിഡന്റ്, യു.ഡി.എഫ് കണ്വീനര്, റബ്ബര് ബോര്ഡ് അംഗം, കെ.പി.സി.സി വൈസ് പ്രസിഡന്റ് (2001-04), കെ.പി.സി.സി പ്രസിഡന്റ് (2004), കേരള മാര്ക്കറ്റ്ഫെഡ് ചെയര്മാന് തുടങ്ങിയ സ്ഥാനങ്ങളും അദ്ദേഹം വഹിച്ചിട്ടുണ്ട്.
1939 ജൂലൈ 29-ന് ജനിച്ച പി.പി. തങ്കച്ചന്, ബി.എല് ബിരുദധാരിയും പൊതുഭരണത്തില് ഡിപ്ലോമയും നേടിയിട്ടുണ്ട്. അഭിഭാഷകന് കൂടിയായിരുന്ന അദ്ദേഹം, റവ. ഫാ. പൗലോസിന്റെ മകനാണ്. ടി.വി. തങ്കമ്മയാണ് ഭാര്യ. ഒരു മകനും രണ്ട് പെണ്മക്കളുമുണ്ട്.
