ഒരൊറ്റ സിനിമയിലൂടെ മലയാളികളുടെ മനസിൽ ഇടം നേടിയ നടിയാണ് പ്രിയം ചിത്രത്തിലെ നായിക ദീപ നായർ. 2000-ൽ കുഞ്ചാക്കോ ബോബനൊപ്പം അഭിനയിച്ച പ്രിയം വലിയ വിജയം നേടിയെങ്കിലും, പിന്നീട് ദീപ സിനിമയിൽ നിന്ന് പൂർണമായും വിട്ടു നിന്നു.
കാലങ്ങൾക്കുശേഷം സോഷ്യൽ മീഡിയയിലൂടെ ആരാധകരുമായി സംവദിച്ച ദീപ, വർഷങ്ങളായി പ്രചരിച്ചിരുന്ന “ചാക്കോച്ചനൊപ്പം അഭിനയിക്കാൻ വേണ്ടി അച്ഛൻ സിനിമ നിർമിച്ചു” എന്ന കഥയ്ക്ക് മറുപടി നൽകി. “ഇത് മുഴുവൻ അസത്യമാണ്. എന്റെ അച്ഛൻ സിനിമ നിർമിച്ചിട്ടില്ല. ചിലരുടെ ഭാവനയിൽ നിന്നാണ് ഇത്തരം കഥകൾ വന്നത്,” ദീപ വ്യക്തമാക്കി.
മെൽബണിൽ സ്ഥിരതാമസമുള്ള ദീപ, ഇപ്പോൾ ബിസിനസ് ആവശ്യങ്ങൾക്ക് Musings by Deepa Nair എന്ന പേജ് ആരംഭിച്ചിട്ടുണ്ട്.
2000-ൽ പുറത്തിറങ്ങിയ പ്രിയം സംവിധാനം ചെയ്തത് സനൽ, കഥയും തിരക്കഥയും സാബ് ജോൺ. കെ.കെ. നായർ നിർമിച്ച ചിത്രത്തിൽ ജഗതി ശ്രീകുമാർ, ഇന്ദ്രൻസ്, കൂടാതെ ബാലതാരങ്ങളായ അരുണ്, അശ്വിന്, മഞ്ജിമ മോഹൻ എന്നിവരും അഭിനയിച്ചു. ബെർണി ഇഗ്നേഷ്യസ് സംഗീതം നൽകിയ ഗാനങ്ങൾ ഇന്നും ജനപ്രിയമാണ്.
