ഇടുക്കി: നിയമസഭാ തിരഞ്ഞെടുപ്പിൽ Idukki മണ്ഡലത്തിലെ ഇടതുമുന്നണി സ്ഥാനാർത്ഥിയായി മന്ത്രി Roshi Augustine വീണ്ടും മത്സരിക്കുമെന്ന് Jose K. Mani പ്രഖ്യാപിച്ചു. ഇതോടെ സംസ്ഥാനത്ത് ഇടതുമുന്നണിയുടെ ആദ്യ സ്ഥാനാർഥി പ്രഖ്യാപനത്തിനാണ് ഇടുക്കി സാക്ഷിയായത്.
റോഷി അഗസ്റ്റിൻ നയിക്കുന്ന വികസന മുന്നേറ്റ യാത്രയുടെ കട്ടപ്പനയിലെ സമാപന വേദിയിലായിരുന്നു ജോസ് കെ മാണിയുടെ അപ്രതീക്ഷിത പ്രഖ്യാപനം. ഇടുക്കിയുടെ വികസന നായകൻ റോഷി അഗസ്റ്റിൻ തന്നെയായിരിക്കുമെന്നും മണ്ഡലത്തിൽ അദ്ദേഹത്തിന് ബദലായി മറ്റൊരു പേര് പരിഗണിക്കുന്നില്ലെന്നും ജോസ് കെ മാണി വ്യക്തമാക്കി.
റോഷി അഗസ്റ്റിൻ വീണ്ടും മത്സരിക്കുമെന്നത് രാഷ്ട്രീയ കേന്ദ്രങ്ങൾ പ്രതീക്ഷിച്ചിരുന്ന കാര്യമായിരുന്നുവെങ്കിലും മുന്നണിയിലെ ഔദ്യോഗിക ചര്ച്ചകള് പൂര്ത്തിയാകുന്നതിന് മുന്പ് സ്ഥാനാര്ഥി പ്രഖ്യാപിച്ചതാണ് രാഷ്ട്രീയ വൃത്തങ്ങളില് ചര്ച്ചയാകുന്നത്.
Kerala Congress (M) പാര്ട്ടിയുടെ നിലവിലെ എല്ലാ എം.എല്.എമാരും ഇക്കുറിയും ജനവിധി തേടുമെന്നും എല്ലാവരും നിലവിലെ മണ്ഡലങ്ങളില് തന്നെ മത്സരിക്കുമെന്നും ജോസ് കെ മാണി പറഞ്ഞു.
കഴിഞ്ഞ കാല്നൂറ്റാണ്ടായി ഇടുക്കിയെ പ്രതിനിധീകരിക്കുന്ന റോഷി അഗസ്റ്റിന് തുടര്ച്ചയായ ആറാം വിജയമാണ് ലക്ഷ്യമിടുന്നത്. 2021ലെ തിരഞ്ഞെടുപ്പില് യു.ഡി.എഫ് സ്ഥാനാര്ഥിയായിരുന്ന K. Francis Georgeനെ 5573 വോട്ടുകള്ക്ക് പരാജയപ്പെടുത്തിയാണ് അദ്ദേഹം നിയമസഭയിലെത്തിയത്.
1969 ജനുവരി 20ന് പാലായിലെ രാമപുരത്ത് ജനിച്ച റോഷി അഗസ്റ്റിന് വിദ്യാര്ത്ഥി രാഷ്ട്രീയത്തിലൂടെയാണ് പൊതുരംഗത്തേക്ക് കടന്നത്. മുന് മന്ത്രി K. M. Maniയുടെ അടുത്ത അനുയായിയായിരുന്ന അദ്ദേഹം കെ.എസ്.സി(എം) സംസ്ഥാന പ്രസിഡന്റ് അടക്കമുള്ള വിവിധ നിലകളില് പ്രവര്ത്തിച്ച ശേഷമാണ് നിയമസഭയിലെത്തിയത്.
2001ല് 32ാം വയസ്സില് ആദ്യമായി നിയമസഭയിലെത്തിയ റോഷി അഗസ്റ്റിന് പിന്നീട് തുടര്ച്ചയായി വിജയിച്ച് ഹൈറേഞ്ച് രാഷ്ട്രീയത്തിലെ പ്രധാന ശക്തിയായി മാറി. 2001, 2006, 2011, 2016 തെരഞ്ഞെടുപ്പുകളില് യു.ഡി.എഫ് സ്ഥാനാര്ഥിയായും 2021ല് ഇടതുമുന്നണി സ്ഥാനാര്ഥിയായും വിജയിച്ച അദ്ദേഹം നിലവില് രണ്ടാം Pinarayi Vijayan സര്ക്കാരില് ജലവിഭവ വകുപ്പിന്റെ മന്ത്രിയായി പ്രവര്ത്തിക്കുന്നു.
മുല്ലപ്പെരിയാര് വിഷയം, ജലജീവന് മിഷന് ഉള്പ്പെടെയുള്ള പദ്ധതികളില് ഇടപെടലുകള് നടത്തിയതിലൂടെ ഇടുക്കിയുടെ വികസന നായകന് എന്ന പ്രതിച്ഛായ നിലനിര്ത്തുന്ന റോഷി അഗസ്റ്റിന്, ഇപ്പോള് ആറാം വിജയത്തിനായി വീണ്ടും ജനവിധി തേടുകയാണ്.
