പാലക്കാട്: സിപിഐഎം നേതാവ് ഡോ. പി. സരിന്റെ എഡിറ്റ് ചെയ്ത ചിത്രങ്ങൾ സമൂഹമാധ്യമങ്ങളിൽ പ്രചരിക്കുന്നതിന് പിന്നാലെ, ഭാര്യ ഡോ. സൗമ്യ സരിൻ പരിഹാസ പോസ്റ്റുമായി രംഗത്ത്.
ഒരു യുവ നേതാവ് മോശമായി പെരുമാറിയെന്ന ആരോപണം ഉന്നയിച്ച നടി റിനി ആൻ ജോർജിനൊപ്പമുള്ള സരിന്റെ എഡിറ്റ് ചെയ്ത ചിത്രങ്ങളാണ് പ്രചരിക്കുന്നത്.
“ഇത്രയും ക്വാളിറ്റി ഇല്ലാത്ത ഒരു തല വെട്ടി ഒട്ടിക്കൽ പിക് ഞാൻ അടുത്ത കാലത്തൊന്നും കണ്ടിട്ടില്ല” എന്നാണ് സൗമ്യ സരിൻ ഫേസ്ബുക്കിൽ കുറിച്ചത്. “ഇത് വൃത്തിക്കും മെനക്കും ചെയ്യാൻ കഴിവുള്ള ആരും അവിടെ ഇല്ലേയെന്നോ? 1996-ലെ ഇന്ദ്രപ്രസ്ഥം സിനിമയിൽ പോലും ഇതിലും അടിപൊളിയായി ഇത്തരമൊരു എഡിറ്റിംഗ് ചെയ്തിട്ടുണ്ട്,” എന്നും അവർ പരിഹസിച്ചു.
അതേസമയം, ടീമിലേക്ക് പണി അറിയാവുന്ന കുറച്ച് പേരെ അടിയന്തിരമായി റിക്രൂട്ട് ചെയ്യണമെന്ന് ആവശ്യപ്പെട്ടും അവർ പോസ്റ്റിൽ ചൂണ്ടിക്കാട്ടി.
FB Post:
ഫേസ്ബുക്ക് കുറിപ്പിന്റെ പൂർണരൂപം
ഈ ഫോട്ടോ എന്റെ പോസ്റ്റുകൾക്ക് താഴെ തലങ്ങും വിലങ്ങും പോസ്റ്റുന്നവരോടാണ് കേട്ടോ…
അയ്യേ… അയ്യയ്യേ… എന്തുവാടെ?
എന്ന പണ്ണി വെച്ചിരിക്കെ???! 🙄🙄
ഇത്രയും ക്വാളിറ്റി ഇല്ലാത്ത ഒരു തല വെട്ടി ഒട്ടിക്കൽ പിക് ഞാൻ അടുത്ത കാലത്തൊന്നും കണ്ടിട്ടില്ല…
ഇതൊന്നും വൃത്തിക്കും മെനക്കും ചെയ്യാൻ കഴിവുള്ള ആരും അവിടെ ഇല്ലേ?
1996 ഇൽ ഞാൻ കണ്ട ഇന്ദ്രപ്രസ്തം സിനിമയിൽ പോലും ഇതിലും അടിപൊളി ആയി ഇതൊക്കെ ചെയ്തു വെച്ചിട്ടുണ്ട്…
അത്യാവശ്യമായി ടീമിലേക്ക് പണി അറിയാവുന്ന കുറച്ചു പേരെ റിക്രൂട്ട് ചെയ്യണം…
പെട്ടെന്ന് തന്നെ…
പണി കൂടാൻ പോകുകയല്ലേ… അപ്പോ പ്രൊഫഷെനൽ ക്വാളിറ്റി കളയാതെ നോക്കണം…
എന്ന്
ഒരു അഭ്യൂദയകാംക്ഷി
