പത്തനംതിട്ട: സിപിഐ വിട്ട മുന് ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മ ഇന്ന് ഔദ്യോഗികമായി കോണ്ഗ്രസില് ചേരുന്നു. കെപിസിസി അധ്യക്ഷന് സണ്ണി ജോസഫ് ഇന്ന് തന്നെ ശ്രീനാദേവിക്ക് കോണ്ഗ്രസ് അംഗത്വം നല്കും.
രാവിലെ തിരുവനന്തപുരത്ത് പ്രതിപക്ഷ നേതാവുമായി കൂടിക്കാഴ്ച നടത്തും. വൈകിട്ട് ഡിസിസി ഓഫിസില് വച്ച് പാര്ട്ടി അംഗത്വം സ്വീകരിക്കുന്നതിനായുള്ള ചടങ്ങ് നടക്കും.
ശ്രീനാദേവി മുമ്പ് സിപിഐ സ്ഥാനാര്ഥിയായി മത്സരിച്ച പള്ളിക്കല് ഡിവിഷനാണ് കോണ്ഗ്രസ് പുതുതായി തരാന് സാധ്യതയെന്ന് പാര്ട്ടി വൃത്തങ്ങള് സൂചിപ്പിക്കുന്നു.
നവംബര് 3-ന് സിപിഐയില്നിന്നും എഐവൈഎഫിലെ എല്ലാ പദവികളിൽ നിന്നുമുള്ള രാജി പ്രഖ്യാപിച്ചാണ് ശ്രീനാദേവി പുറത്തായ വിവരം മാധ്യമങ്ങളെ അറിയിച്ചത്.
രാഹുല് മാങ്കൂട്ടത്തെ സംബന്ധിച്ച വിവാദവുമായി ബന്ധപ്പെട്ട് ശ്രീനാദേവി നടത്തിയ പോസ്റ്റാണ് സംഘര്ഷത്തിന് തുടക്കമായത്. അതിനെ തുടര്ന്ന് സിപിഐ ജില്ലാ നേതൃത്വവും സംസ്ഥാന നേതൃത്വവും ശക്തമായി പ്രതികരിച്ചിരുന്നു.
പാര്ട്ടി നേതൃത്വം രൂക്ഷമായി വിമര്ശിച്ചതിന് പിന്നാലെയാണ് ശ്രീനാദേവി സിപിഐ വിട്ടത്.
