🔬 2025ലെ രസതന്ത്ര നൊബേൽ പ്രഖ്യാപനം ഇന്ന്
2025ലെ രസതന്ത്ര നൊബേൽ ഇന്ന് ഇന്ത്യൻ സമയം ഉച്ചയ്ക്ക് മൂന്നേകാൽഓടെ പ്രഖ്യാപിക്കും. 117ആമത്തെ രസതന്ത്ര നൊബേലാണ് ഇന്ന് പ്രഖ്യാപിക്കാൻ പോകുന്നത്. ഇതുവരെ 197 പേര്ക്ക് ഈ ബഹുമതി ലഭിച്ചിട്ടുണ്ട്. 2024ല് ഗൂഗിള് ഡീപ്പ്മൈന്ഡിലെ ഡെമ്മിസ് ഹസ്സാബിസിനും ജോണ് ജമ്പറിനുമായിരുന്നു ഈ ബഹുമതി ലഭിച്ചത്.
✈️ വ്യോമസേനയുടെ 93-ാം വാർഷികം
ഇന്ത്യൻ വ്യോമസേനയുടെ 93-ാം വാർഷിക ആഘോഷങ്ങൾ ഇന്ന് ഗാസിയാബാദിലെ ഹിൻഡൻ വ്യോമതാവളത്തിൽ നടക്കും. വ്യോമസേന മേധാവി മുഖ്യാതിഥിയാകും. വ്യോമസേന ദിന പരേഡിനൊപ്പം വിവിധ യുദ്ധവിമാന പ്രദർശനങ്ങളും സംഘടിപ്പിച്ചിട്ടുണ്ട്.
🗳️ ബിഹാറിൽ സീറ്റ് വിഭജന ചര്ച്ചകള്
ബിഹാറില് എന്ഡിഎയും മഹാസഖ്യവും സീറ്റ് വിഭജന ചര്ച്ചകളിൽ തിരക്കിലാണ്. ചിരാഗ് പാസ്വാന് നാല്പത് സീറ്റ് വേണമെന്ന നിലപാട് ആവര്ത്തിച്ചു. കോണ്ഗ്രസും ഇടത് കക്ഷികളും ആര്ജെഡിയുടെ ഫോര്മുല അംഗീകരിച്ചിട്ടില്ല. ബിജെപിയുടെ സ്ഥാനാര്ത്ഥി പട്ടിക പത്തിന് ശേഷം പുറത്ത് വിടുമെന്നാണ് റിപ്പോര്ട്ട്.
🛕 ശബരിമല സ്വര്ണപ്പാളി വിവാദം: നിയമസഭ സ്തംഭനത്തിന് സാധ്യത
ശബരിമല സ്വര്ണപ്പാളി വിവാദത്തിൽ ഇന്നും നിയമസഭ സ്തംഭിപ്പിക്കാൻ പ്രതിപക്ഷം ഒരുങ്ങുന്നു. ദേവസ്വം മന്ത്രിയുടെയും ദേവസ്വം ബോർഡ് പ്രസിഡന്റിന്റെയും രാജി ആവശ്യപ്പെട്ട് യുഡിഎഫ് ശക്തമായ പ്രതിഷേധം സംഘടിപ്പിക്കും. സഭയ്ക്കു പുറത്ത് കെപിസിസി മേഖലാ ജാഥകള് നടത്തും.
🚩 ശബരിമല വിഷയം: ബിജെപി മാർച്ച്
സ്വര്ണപ്പാളി വിവാദത്തില് പ്രതിഷേധിച്ച് ബിജെപി ഇന്ന് ക്ലിഫ് ഹൗസിലേക്ക് മാര്ച്ച് നടത്തും. ഹൈക്കോടതി വിധിയിലും മുഖ്യമന്ത്രിയുടെ മൗനത്തിലും പാർട്ടി വിമർശനം ഉയർത്തി. സംസ്ഥാന പ്രസിഡന്റ് രാജീവ് ചന്ദ്രശേഖർ മാർച്ച് ഉദ്ഘാടനം ചെയ്യും.
⚖️ ന്യൂ മാഹി ഇരട്ടക്കൊലക്കേസ്: വിധി ഇന്ന്
15 വര്ഷത്തിന് ശേഷമാണ് ന്യൂ മാഹി ഇരട്ടക്കൊലക്കേസില് വിധി വരുന്നത്. ആർഎസ്എസ് പ്രവർത്തകരായ വിജിത്തും സിനോജും കൊല്ലപ്പെട്ട കേസിൽ കൊടിസുനിയും മുഹമ്മദ് ഷാഫിയും ഉൾപ്പെടെ 14 പേർ പ്രതികളാണ്. തലശ്ശേരി അഡീഷണൽ സെഷൻസ് കോടതി ഇന്ന് വിധി പറയും.
🌦️ കാലാവസ്ഥ മുന്നറിയിപ്പ്
ഇന്ന് കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഉച്ചയ്ക്കും രാത്രിയിലും ഇടിമിന്നലോടു കൂടിയ മഴയ്ക്ക് സാധ്യത. അന്തരീക്ഷത്തിലെ കാറ്റിന്റെ അസ്ഥിരതയാണ് ഇടിമിന്നലിന് കാരണമെന്ന് കാലാവസ്ഥ വിദഗ്ധർ വ്യക്തമാക്കി.
🔍 കാണക്കാരി ജെസി കൊലക്കേസ് അന്വേഷണം തുടരുന്നു
ജെസി സാം കൊലക്കേസില് ഭര്ത്താവ് സാമിന്റെ കസ്റ്റഡി കാലാവധി ഇന്ന് അവസാനിക്കുന്നു. ജെസിയുടെ രണ്ടാമത്തെ മൊബൈല് ഫോണിന്റെ അന്വേഷണം തുടരുന്നു. പൊലീസ് വീണ്ടും കസ്റ്റഡിക്ക് അപേക്ഷിക്കാനുള്ള സാധ്യത കുറവാണ്.
