ട്രെഡ് മിൽ വീണ് പരിക്കേറ്റു; “വേദനയോടെ ഒരു പാഠം പഠിച്ചു” – ബി.ജെ.പി സംസ്ഥാന അധ്യക്ഷൻ രാജീവ് ചന്ദ്രശേഖർ

തിരുവനന്തപുരം ∙ ബി.ജെ.പി സംസ്ഥാന അധ്യക്ഷനും മുൻ കേന്ദ്ര മന്ത്രിയുമായ രാജീവ് ചന്ദ്രശേഖറിന് ട്രെഡ് മിൽ ഉപയോഗിക്കുന്നതിനിടെ പരിക്കേറ്റു. സംഭവം സംബന്ധിച്ച വിവരങ്ങൾ അദ്ദേഹം തന്നെ ഫേസ്ബുക്ക് പോസ്റ്റിലൂടെ പങ്കുവെച്ചു.

“ട്രെഡ് മിൽ ചെയ്യുമ്പോൾ അലക്ഷ്യമായി ഫോൺ എടുക്കാൻ ശ്രമിച്ചാൽ വീഴാനും പരിക്ക് പറ്റാനുമുള്ള സാധ്യത കൂടുതലാണെന്നതാണ് പാഠം. എനിക്ക് ഇന്ന് സംഭവിച്ചതും അതുതന്നെ. മുഖത്ത് പാടുകളും കഠിനമായ വേദനയുമാണ് ബാക്കിപത്രം,” – എന്നാണ് അദ്ദേഹം ഫേസ്ബുക്കിൽ കുറിച്ചത്.

“വേദനയോടെയെങ്കിലും ഒരു പാഠം പഠിക്കാൻ കഴിഞ്ഞു. ട്രെഡ് മിൽ ചെയ്യുമ്പോൾ മൊബൈൽ ഫോൺ ജാഗ്രതയോടെ മാത്രം ഉപയോഗിക്കുക,” – എന്നും അദ്ദേഹം മുന്നറിയിപ്പ് നൽകി.

അദ്ദേഹത്തിന്റെ ഹാസ്യരസം കലർന്ന പോസ്റ്റ് സമൂഹമാധ്യമങ്ങളിൽ വൻ പ്രചരണമാണുള്ളത്.

തെല്ല് വേദനയോടെയാണെങ്കിലും വിലപ്പെട്ട ഒരു പാഠം പഠിക്കാൻ കഴിഞ്ഞു: രാജീവ് ചന്ദ്രശേഖർ FB Post

ട്രെഡ് മിൽ ഉപയോഗിക്കുന്നതിനിടയിൽ അലക്ഷ്യമായി ഫോൺ എടുക്കാൻ ശ്രമിച്ചാൽ വീഴാനും പരിക്ക് പറ്റാനുമുള്ള സാധ്യത കൂടുതലാണ് എന്നതാണ് ആ പാഠം.

എനിക്ക് ഇന്ന് സംഭവിച്ചതും അത് തന്നെ. മുഖത്തെ പാടുകളും കഠിനമായ വേദനയുമാണ് ബാക്കിപത്രം.😅😅

ഗുണപാഠം  – ട്രെഡ് മിൽ ചെയ്യുമ്പോൾ മൊബൈൽ ഫോൺ ജാഗ്രതയോടെ മാത്രം ഉപയോഗിക്കുക.😅

So I learnt something today – with pain as a consequence

If you are on a treadmill and try and reach out to a ringing phone – and are careless – there are chances you can slip and fall and scrape your face/injure yourself. 

Why do I say this with so much confidence? Because it happened to me and I have the embarrassing pain & scars for it 😅😅

Moral of story : Use phones on a treadmill with extreme caution 😅