ജിദ്ദ: സൗദി പ്രോ ലീഗിൽ അൽ ഖലീജിനെതിരെ അൽ നസറിനായി കളിച്ച ക്രിസ്റ്റ്യാനോ റൊണാൾഡോ നേടിയത് വണ്ടർ ഗോളാണ് ഇപ്പോൾ ലോകമെമ്പാടുമുള്ള ആരാധകർ ചർച്ച ചെയ്യുന്നത്. തന്റെ കരിയറിലെ മികച്ച ഗോളുകളിൽ ഒന്നായ 2018ലെ UEFA ചാമ്പ്യൻസ് ലീഗിൽ യുവന്റസിനെതിരെ നേടിയ പ്രശസ്ത ബൈസിക്കിൾ കിക്കിനോട് ഇത് താരതമ്യം ചെയ്യപ്പെടുന്നു.
40ാം വയസ്സിലും ക്രിസ്റ്റ്യാനോയുടെ ശരീരക്ഷമതയും ഗോൾവാസനയും ആരാധകരെ വിസ്മയിപ്പിച്ചിരിക്കുകയാണ്.
അൽ നസറിന്റെ ഒൻപതാം തുടർച്ചയായ ജയം
സൗദി പ്രോ ലീഗിൽ തുടർച്ചയായ ഒൻപതാം ജയം സ്വന്തമാക്കിയ അൽ നസർ, പോയിന്റ് പട്ടികയിൽ 27 പോയിന്റോടെ ഒന്നാം സ്ഥാനത്ത് തുടരുന്നു. രണ്ടാം സ്ഥാനക്കാരായ അൽ ഹിലാൽനേക്കാൾ നാല് പോയിന്റ് മുൻതൂക്കം.
മത്സരഫലം: അൽ നസർ 4 – 1 അൽ ഖലീജ്
ഗോൾ സ്കോറർമാർ:
അൽ നസർ: ജാവോ ഫെലിക്സ് (39’), വെസ്ലി (42’), സാദിയോ മാനെ (77’), ക്രിസ്റ്റ്യാനോ റൊണാൾഡോ (90+6’) അൽ ഖലീജ്: മുറാദ് അൽ ഹോസാവി (47’)
മത്സരം എക്സ്ട്രാ ടൈമിന്റെ ആറാം മിനിറ്റിൽ, പെനൽറ്റി ബോക്സിൽ നിന്നുയർന്ന പന്തിനെ അതിശയകരമായ ഉയർച്ചയോടെ റൊണാൾഡോ ബൈസിക്കിൾ കിക്കിലൂടെ വലയിലാക്കുകയായിരുന്നു.
2018ൽ റിയൽ മാഡ്രിഡിനായി നേടിയ ഐക്കോണിക് ഗോളിന്റെ പകർപ്പുപോലായിരുന്നു ഈ ശ്രമം.
ആരാധകർ വിസ്മയത്തോടെ
ഗോൾ പിറന്നയുടൻ സഹതാരങ്ങളും ആരാധകരും തലയിൽ കൈവച്ച് അവിശ്വാസത്തോടെ പ്രതികരിക്കുന്നത് ക്യാമറകൾ പകർത്തി. ആരാധകരുടെ റിയാക്ഷൻ വീഡിയോകൾ ഇപ്പോൾ സമൂഹ മാധ്യമങ്ങളിൽ വൈറലാകുകയാണ്.
അന്താരാഷ്ട്ര കരിയറിൽ 954 ഗോളുകൾ
മുമ്പ് 40ാം വയസ്സിൽ പോർച്ചുഗലിനായി സമാനമായ ഒരു ബൈസിക്കിൾ ഗോളും റൊണാൾഡോ നേടിയിരുന്നു.
ഈ പുതിയ ഗോൾ ചേർന്നതോടെ റൊണാൾഡോയുടെ കരിയർ ഗോൾ എണ്ണം 954 ആയി ഉയർന്നു.
