“ഓരോ പൾസും ഒരു പുത്തൻ വാർത്ത”
മണ്ണാർക്കാട് നഗരസഭയിലെ ഉഭയമാർഗം വാർഡ് കൗൺസിലർ അരുൺകുമാർ പാലക്കുറുശ്ശിക്ക് വാർഡ് നിവാസികൾ നൽകിയത് ഹൃദയം നിറഞ്ഞ യാത്രയയപ്പ്. സീറ്റ് സംവരണ മാറ്റത്തെ തുടർന്ന് വാർഡ് വിട്ടുപോകുന്ന കൗൺസിലർക്ക് രാഷ്ട്രീയ ഭേദമന്യേ പിന്തുണ നൽകി ജനങ്ങൾ. വികാരാധീനനായി അരുൺകുമാർ പാലക്കുറുശ്ശി സംസാരിച്ചു. കെട്ടിവെക്കാനുള്ള തുക നൽകി പ്രിയ കൗൺസിലറെ യാത്രയാക്കി. പൂർണ്ണ റിപ്പോർട്ട് കാണുക.
വിവാഹദിനത്തിൽ വധുവിന് അപകടം സംഭവിച്ചെങ്കിലും, തളരാതെ ആശുപത്രി കിടക്കയിൽ വെച്ച് വിവാഹം നടത്തി വരൻ. ആലപ്പുഴ സ്വദേശികളായ ആവണിയും ഷാരോണുമാണ് കൊച്ചി ലേക് ഷോർ ആശുപത്രിയിൽ വെച്ച് വിവാഹിതരായത്.
ഹൈദരാബാദിലെ തെലുങ്ക് വാർത്താ ചാനലായ യോയോ ടിവിയിൽ ചർച്ചയ്ക്കിടെ ബിജെപി, കോൺഗ്രസ് നേതാക്കൾ തമ്മിൽ സംഘർഷം. ജൂബിലി ഹിൽസ് ഉപതെരഞ്ഞെടുപ്പ് ഫലപ്രഖ്യാപന ദിവസമാണ് സംഭവം നടന്നത്. കോൺഗ്രസ് നേതാവ് ഡെസ്കിൽ അടിച്ചതാണ് ബിജെപി നേതാവിനെ പ്രകോപിപ്പിച്ചത്. തുടർന്ന് ഇരുവരും തമ്മിൽ ഉന്തും തള്ളും നടക്കുകയും കസേരകൾ മറിച്ചിടുകയും ചെയ്തു. മാധ്യമപ്രവർത്തകൻ മുഹമ്മദ് സുബൈറാണ് വീഡിയോ എക്സിൽ പങ്കുവെച്ചത്.
മാധ്യമ പ്രവർത്തകനായ മുഹമ്മദ് സുബൈറാണ് ഈ വീഡിയോ എക്സിൽ പങ്കുവച്ചിരിക്കുന്നത്. ഹൈദരാബാദ്: ഉപതെരഞ്ഞെടുപ്പ് ഫലം പ്രഖ്യാപിച്ച ദിവസത്തിൽ യോയോ ടിവിയിലെ ചാനൽ ചർച്ചയ്ക്കിടെ ഉണ്ടായ അടിപിടിയുടെ വീഡിയോ…
എടക്കാടിന്റെ സ്വന്തം അഞ്ജന; ഇത് വേറിട്ടൊരു സ്ഥാനാർത്ഥി
‘ക്രൈസ്തവരെ സംരക്ഷിച്ചവർക്ക് വോട്ട് ചെയ്യുക’; കോശി കമ്മീഷൻ റിപ്പോർട്ടും 80:20 അനുപാതവും എണ്ണിപ്പറഞ്ഞ് ആഞ്ഞടിച്ചു
വയനാട്ടിലെ മേപ്പാടി പഞ്ചായത്തിൽ മറ്റൊരു തെരഞ്ഞെടുപ്പ് കാലം എത്തിയിരിക്കുന്നു. എന്നാൽ ഇത്തവണ ഇത് സാധാരണ തെരഞ്ഞെടുപ്പല്ല, അതിജീവനത്തിന്റെ തെരഞ്ഞെടുപ്പാണ്. മഹാദുരന്തം കവർന്നെടുത്ത മുണ്ടക്കൈ എന്ന വാർഡ് ഇന്ന് പഞ്ചായത്ത് ഭൂപടത്തിൽ നിന്ന് അപ്രത്യക്ഷമായിരിക്കുന്നു. മുണ്ടക്കൈയും ചൂരൽമലയും ചേർന്ന് ഒറ്റ വാർഡായപ്പോൾ, നഷ്ടപ്പെട്ട വീടുകളുടെയും പ്രിയപ്പെട്ടവരുടെയും ഓർമ്മകളാണ് ഇവിടുത്തെ വോട്ടർമാർക്ക് മുന്നിൽ.
ആവേശമായിരുന്ന തെരഞ്ഞെടുപ്പ് പ്രചാരണങ്ങളില്ലാതെ, നിശബ്ദമായ ഈ ദുരന്തഭൂമിയിൽ സ്ഥാനാർത്ഥികൾ ജനവിധി തേടുന്നത് ഒരു നാടിന്റെ നിലനിൽപ്പിനായുള്ള പോരാട്ടത്തിലാണ്. ദുരന്തം അടർത്തിമാറ്റിയ മുണ്ടക്കൈക്കാരുടെ ജന്മനാട്ടിലെ അവസാനത്തെ തെരഞ്ഞെടുപ്പ് കൂടിയാകുമോ ഇത്? ഞങ്ങളുടെ പ്രത്യേക റിപ്പോർട്ട് കാണുക.
