ഗാന്ധി പ്രതിമയ്ക്ക് മുമ്പിൽ ബിജെപി പ്രവർത്തകർ റീത്ത് വെച്ചു; പ്രതിഷേധവുമായി കോൺഗ്രസും ഡിവൈഎഫ്ഐയും

മലപ്പുറം : ഗാന്ധിപ്രതിമയ്ക്ക് മുന്നിൽ ബിജെപി പ്രവർത്തകർ റീത്ത് വെച്ചതായി പരാതി. പാലക്കാട് മേഖല വൈസ് പ്രസിഡൻറ് ടി.കെ. അശോക് കുമാറിന്റെ നേതൃത്വത്തിലായിരുന്നു സംഭവം നടന്നതെന്നാണ് ആരോപണം. എടക്കരയിലാണ് സംഭവം.

സംഭവത്തിൽ പ്രതിഷേധവുമായി കോൺഗ്രസും ഡിവൈഎഫ്ഐയും രംഗത്തെത്തി. കോൺഗ്രസ് പൊലീസിൽ പരാതി നൽകി. ഡിവൈഎഫ്ഐ പ്രവർത്തകർ ഗാന്ധിപ്രതിമ വൃത്തിയാക്കി പ്രതിഷേധം രേഖപ്പെടുത്തി.

അശോക് കുമാർ സംഭവത്തെക്കുറിച്ച് പ്രതികരിക്കുമ്പോൾ, ഗാന്ധിജിക്ക് പുഷ്പചക്രം സമർപ്പിച്ചതാണ്, തെറ്റായ ധാരണ പടരേണ്ടതില്ലെന്നും പറഞ്ഞു.