വാഹനങ്ങളിൽ എയര്ഹോൺ നിരോധന നടപടിയുമായി ഗതാഗത മന്ത്രി കെ ബി ഗണേഷ് കുമാര്; 13–19 വരെ സ്പെഷ്യൽ ഡ്രൈവ്
തിരുവനന്തപുരം : വാഹനങ്ങളിൽ എയര്ഹോൺ ഉപയോഗം ഉയർന്നുവരുന്ന പശ്ചാത്തലത്തിൽ ഗതാഗത മന്ത്രി കെ ബി ഗണേഷ് കുമാർ കടുത്ത നടപടി സ്വീകരിച്ചു. വാഹനങ്ങളിൽ നിന്നുള്ള എയര്ഹോണുകൾ പിടിച്ചെടുത്ത് നശിപ്പിക്കുന്നതിനായി സ്പെഷ്യൽ ഡ്രൈവ് നടത്താൻ മന്ത്രി നിർദേശം നൽകി.
സ്പെഷ്യൽ ഡ്രൈവ് ഈ മാസം 13 മുതൽ 19 വരെ നടത്തും. പിടിച്ചെടുത്ത എയര്ഹോണുകൾ മാധ്യമങ്ങൾക്ക് മുന്നിൽ പ്രദർശിപ്പിച്ച് റോഡ് റോളർ ഉപയോഗിച്ച് നശിപ്പിക്കേണ്ടതാണ്.
കഴിഞ്ഞ ദിവസമുണ്ടായ സംഭവമാണ് ഈ നടപടി ശക്തമാക്കാൻ കാരണമായത്. കോതമംഗലം കെഎസ്ആര്ടിസി ബസ് ടെർമിനൽ ഉദ്ഘാടനത്തിനിടെ സ്വകാര്യ ബസ് വേഗത്തിൽ ഹോൺ മുഴക്കിയെത്തി. ചടങ്ങിൽ പങ്കെടുത്ത എംഎൽഎയുടെ പ്രസംഗ സമയത്ത് ബസ് ഡ്രൈവർ ഫയർ എഞ്ചിൻ വരുന്നതായെന്ന് തെറ്റിദ്ധരിപ്പിച്ചതായി മന്ത്രിക്ക് വിവരം ലഭിച്ചു.
“ബഹുമാനപ്പെട്ട എംഎൽഎ പ്രസംഗിച്ചുകൊണ്ടിരിക്കുകയാണ്. ഫയർ എഞ്ചിൻ വരുവാണെന്ന് അദ്ദേഹം വിചാരിച്ചു. ഞാനും പേടിച്ചുപോയി. നിറയെ ആളുകളുള്ള സ്ഥലത്ത് റോക്കറ്റ് സ്പീഡിൽ ബസ് പോയി. ബസ് സ്റ്റാൻഡിനകത്ത് ഇത്രയും ഹോൺ മുഴക്കേണ്ട ആവശ്യമെന്താണ്?” – മന്ത്രി ഗണേഷ് കുമാർ പറഞ്ഞു.
മന്ത്രി ബസിന്റെ പെർമിറ്റ് റദ്ദാക്കാൻ ആര്ടിഒയ്ക്ക് നിർദേശം നൽകി, നിയമ ലംഘനങ്ങൾക്ക് അനുമതി നൽകിക്കൊടുക്കില്ലെന്നും വ്യക്തമായി അറിയിച്ചു.
