തൃശ്ശൂർ:
ആഘോഷങ്ങളുടെ നിറവുമായി ബന്ധപ്പെട്ട പുലികളിയ്ക്ക് ആദ്യമായി കേന്ദ്ര ധനസഹായം ലഭിക്കുന്നു. കേന്ദ്ര ടൂറിസം മന്ത്രാലയത്തിന്റെ DPPH പദ്ധതി പ്രകാരമാണ് ധനസഹായം അനുവദിച്ചിരിക്കുന്നത്. തൃശ്ശൂരിലെ ഓരോ പുലികളി സംഘത്തിനും മൂന്ന് ലക്ഷം രൂപ വീതം അനുവദിക്കും.
ഇതാദ്യമായാണ് പുലികളി സംഘങ്ങൾക്ക് കേന്ദ്ര ധനസഹായം ലഭിക്കുന്നത്. കേന്ദ്രമന്ത്രി സുരേഷ് ഗോപിയുടെ ഇടപെടലിനെ തുടർന്നാണ് ടൂറിസം മന്ത്രാലയം ധനസഹായം പ്രഖ്യാപിച്ചത്.
സുരേഷ് ഗോപി തന്റെ ഫേസ്ബുക്ക് പോസ്റ്റിൽ പ്രതികരിച്ചു:
“പ്രശസ്തമായ തൃശ്ശൂർ പുലികളി സംഘങ്ങൾക്ക് എന്റെ ഓണസമ്മാനം. ചരിത്രത്തില് ആദ്യമായി കേന്ദ്ര ടൂറിസം മന്ത്രാലയം പ്രശസ്തമായ തൃശ്ശൂർ പുലികളി സംഘങ്ങൾക്ക് 3 ലക്ഷം രൂപ വീതം അനുവദിക്കുമെന്ന് അറിയിക്കുന്നതിൽ എനിക്ക് അതിയായ സന്തോഷമുണ്ട്. ഇത് സാധ്യമാക്കുന്നതിൽ എല്ലാ സഹായവും നല്കിയ കേന്ദ്ര ടൂറിസം-സാംസ്കാരിക വകുപ്പ് മന്ത്രി ഗജേന്ദ്ര സിങ് ഷെഖാവത്തിന് ഹൃദയം നിറഞ്ഞ നന്ദി.”
കൂടാതെ, സൗത്ത് സോൺ കൾച്ചറൽ സെന്റർ (തഞ്ചാവൂർ) ഓരോ പുലികളി സംഘത്തിനും ഒരു ലക്ഷം രൂപ വീതം നൽകുമെന്നും അദ്ദേഹം അറിയിച്ചു.
👉 ഇതോടെ, കേരളത്തിന്റെ സമ്പന്നമായ കലാസംസ്കാര പൈതൃകത്തിന്റെ ഭാഗമായി പുലികളിക്ക് ദേശീയ തലത്തിലുള്ള അംഗീകാരം ലഭിച്ചിരിക്കുകയാണ്.
