ന്യൂഡല്ഹി: തിരഞ്ഞെടുപ്പ് കമ്മീഷൻ നടപ്പാക്കുന്ന സ്പെഷ്യൽ ഇന്റൻസീവ് റിവിഷൻ (SIR) നടപടികൾ താത്കാലികമായി സ്റ്റേ ചെയ്യണമെന്നാവശ്യപ്പെട്ട് മുസ്ലിം ലീഗ് സുപ്രീംകോടതിയെ സമീപിച്ചു.
ലീഗ് ദേശീയ ജനറൽ സെക്രട്ടറി പി. കെ. കുഞ്ഞാലിക്കുട്ടി സമർപ്പിച്ച ഹർജിയിലാണ് എസ്ഐആർ പ്രക്രിയ പൂർണമായും നിർത്തിവെക്കണമെന്ന് ആവശ്യപ്പെട്ടിരിക്കുന്നത്.
🔴 ഹർജിയിൽ ലീഗ് ഉയർത്തിയ പ്രധാന കാര്യങ്ങൾ
ബിഎൽഒമാരുടെ അമിത ജോലിസമ്മർദ്ദം ഗുരുതര പ്രത്യാഘാതങ്ങൾ സൃഷ്ടിക്കുന്നുവെന്ന് ഹർജി ചൂണ്ടിക്കാട്ടുന്നു. കണ്ണൂരിലും രാജസ്ഥാനിലും ബിഎൽഒമാർ ആത്മഹത്യ ചെയ്ത സംഭവങ്ങളും ലീഗ് സുപ്രീംകോടതിയുടെ ശ്രദ്ധയിൽപ്പെടുത്തുന്നു. തദ്ദേശ തെരഞ്ഞെടുപ്പും എസ്ഐആറും ഒരേസമയം നടക്കുന്നത് ജീവനക്കാരെ അതീവ സമ്മർദ്ദത്തിലാക്കുന്നു. പ്രവാസി വോട്ടർമാർ വോട്ടർ പട്ടികയിൽ നിന്ന് ഒഴിവാക്കപ്പെടുമെന്ന ആശങ്ക സുപ്രീംകോടതിക്ക് മുന്നിൽ ലീഗ് ഉന്നയിക്കുന്നു. എസ്ഐആർ വിജ്ഞാപനം ചോദ്യം ചെയ്ത് സുപ്രീംകോടതിയെ സമീപിക്കുന്ന ആദ്യത്തെ രാഷ്ട്രീയ പാർട്ടി മുസ്ലിം ലീഗാണ്.
🔵 കോണ്ഗ്രസും ഹര്ജിയുമായി
കെപിസിസി പ്രസിഡന്റ് സണ്ണി ജോസഫ് അറിയിച്ചു:
കോണ്ഗ്രസ് സ്വതന്ത്ര ഹർജി സമർപ്പിക്കും. സർക്കാർ നൽകിയ ഹർജിയിൽ കക്ഷി ചേര്ക്കുന്ന പദ്ധതിയിൽ നിന്നും വിട്ടുനിൽക്കാൻ നിയമോപദേശം ലഭിച്ചതിനെ തുടർന്നാണ് കോൺഗ്രസിന്റെ പുതിയ തീരുമാനം.
🔴 സിപിഎമ്മും കോടതിയിലേക്ക്
സിപിഎം ഇതേ വിഷയത്തിൽ സുപ്രീംകോടതിയെ സമീപിക്കുമെന്ന് നേരത്തെ പ്രഖ്യാപിച്ചിരുന്നു.
തദ്ദേശതിരഞ്ഞെടുപ്പ് അടുത്തിരിക്കെ ചൂടുപിടിച്ചിരിക്കുന്ന എസ്ഐആർ വിവാദം ദേശീയ തലത്തിലും നിയമരംഗത്തും വലിയ ചര്ച്ചയാകുകയാണ്.
