കുവൈത്തിലെ തൊഴിലുടമകൾക്ക് ആശ്വാസം; സാമ്പത്തിക ഗ്യാരന്റി ഇനി വേണ്ട
കുവൈത്ത് സ്വകാര്യ മേഖലയിൽ തൊഴിൽ നിയമനത്തിന് വലിയ ഇളവുകൾ നൽകി. വിവിധ സേവന മേഖലകളിൽ നിയമനം നടത്താനായുള്ള സാമ്പത്തിക ഗ്യാരന്റികൾ റദ്ദാക്കി. പബ്ലിക് അതോറിറ്റി ഫോർ മാൻപവർ പുറത്തിറക്കിയ ഉത്തരവനുസരിച്ച്, ക്ലീനിംഗ്, സെക്യൂരിറ്റി, ഹാൻഡിലിംഗ് മേഖലകളിലെ നിയമനത്തിനായി ഇനി ഗ്യാരന്റി ആവശ്യമില്ല. തൊഴിലുടമകൾക്ക് വലിയ സാമ്പത്തിക ആശ്വാസം നൽകുന്ന നീക്കമാണിത്. പുതിയ തീരുമാനം രാജ്യത്തിന്റെ ബിസിനസ് അന്തരീക്ഷം മെച്ചപ്പെടുത്തുകയും നിക്ഷേപകരെ ആകർഷിക്കുകയും ചെയ്യും.