തിരുവനന്തപുരം:
വയനാട് പുനരധിവാസ വിഷയത്തിൽ കോൺഗ്രസിനെതിരെ ശക്തമായ വിമർശനവുമായി Democratic Youth Federation of India സംസ്ഥാന പ്രസിഡന്റ് V. Vaseef രംഗത്ത്. കെപിസിസി പിരിച്ച കോടിക്കണക്കിന് രൂപയുടെ കണക്കുകൾ വ്യക്തമാക്കണമെന്ന് അദ്ദേഹം ആവശ്യപ്പെട്ടു.
വയനാട് പുനരധിവാസത്തിനായി ഫണ്ട് സമാഹരിച്ച് ഒന്നര വർഷം കഴിഞ്ഞിട്ടും ആ തുക എവിടെയാണോ എന്തിന് ഉപയോഗിച്ചുവെന്നോ വ്യക്തമല്ലെന്ന് വി. വസീഫ് ആരോപിച്ചു. ജനങ്ങളെ കബളിപ്പിക്കുന്ന കോൺഗ്രസിന്റെ നിലപാടിനെതിരെ കേരളത്തിലുടനീളം ‘വീടെവിടെ കോൺഗ്രസേ’ എന്ന ക്യാംപെയിൻ ആരംഭിക്കുമെന്നും അദ്ദേഹം അറിയിച്ചു.
വരും ദിവസങ്ങളിൽ പുനർജനി പദ്ധതിപ്രദേശത്ത് കുടിൽ കെട്ടി സമരം നടത്തുമെന്നും ഡി.വൈ.എഫ്.ഐ പ്രഖ്യാപിച്ചു.
അതേസമയം, വയനാട് ഫണ്ടിനായി രൂപീകരിച്ച സംയുക്ത അക്കൗണ്ടിന്റെ വിവരങ്ങൾ പ്രതിപക്ഷ നേതാവ് V. D. Satheesan തന്റെ തെരഞ്ഞെടുപ്പ് നാമനിർദേശ പത്രികയിലെ സ്വത്തുവിവരത്തിൽ ഉൾപ്പെടുത്താത്തത് എന്തുകൊണ്ടാണെന്ന് വ്യക്തമാക്കണമെന്നും വി. വസീഫ് ആവശ്യപ്പെട്ടു. കോടികൾ കൈകാര്യം ചെയ്യുന്ന അക്കൗണ്ടിന്റെ വിവരങ്ങൾ മറച്ചുവച്ചത് ദുരൂഹമാണെന്നും അദ്ദേഹം പറഞ്ഞു.
സുതാര്യതയെക്കുറിച്ച് സംസാരിക്കുന്നവർ സ്വന്തം കാര്യത്തിൽ അതു പാലിക്കാത്തത് ജനങ്ങളോടുള്ള വെല്ലുവിളിയാണെന്നും, വി.ഡി. സതീശനും Sunny Joseph കണക്കുകൾ മറച്ചുവയ്ക്കുകയാണെന്നും ഡി.വൈ.എഫ്.ഐ ആരോപിച്ചു. വിഷയത്തിൽ നിയമനടപടികൾ പരിശോധിക്കുമെന്നും അദ്ദേഹം കൂട്ടിച്ചേർത്തു.
കോൺഗ്രസിന്റെ പുനർജനി പദ്ധതിയുടെ ഭാഗമായി വീടുകൾ നിർമ്മിക്കുമെന്ന് പ്രഖ്യാപിച്ച് തറക്കല്ലിട്ടിട്ട് ഒരു മാസമായിട്ടും നിർമാണ പ്രവർത്തനങ്ങൾ ആരംഭിച്ചിട്ടില്ലെന്നും വിമർശനം ഉയർന്നു. തറക്കല്ലിടൽ ചടങ്ങുകൾ നടത്തി ജനങ്ങളെ തെറ്റിദ്ധരിപ്പിക്കുകയാണെന്നാണ് ഡി.വൈ.എഫ്.ഐയുടെ ആരോപണം.
വയനാട് പുനരധിവാസത്തിനായി ഡി.വൈ.എഫ്.ഐ സമാഹരിച്ച ഓരോ രൂപയുടെയും കണക്കുകൾ സുതാര്യമായി പുറത്തുവിട്ടിട്ടുണ്ടെന്നും, ഫണ്ട് ഉപയോഗത്തിൽ പൂർണമായ തുറന്ന നിലപാടാണ് സംഘടന സ്വീകരിച്ചിട്ടുള്ളതെന്നും വി. വസീഫ് വ്യക്തമാക്കി.
