തിരുവനന്തപുരം: നിരന്തരമായ ചികിത്സാ പിഴവ് പരാതികളുടെ പശ്ചാത്തലത്തിൽ ആരോഗ്യ മന്ത്രി Veena Georgeക്കെതിരെ യൂത്ത് കോൺഗ്രസ് പ്രതിഷേധം ശക്തമായി. മന്ത്രിയുടെ ഔദ്യോഗിക വസതിക്ക് മുന്നിൽ പ്രവർത്തകർ റീത്ത് വച്ച് പ്രതിഷേധിച്ചു.
മന്ത്രിയുടെ ഓഫീസിലേക്ക് നടത്തിയ മാർച്ചിനിടെ സുരക്ഷാ ഉദ്യോഗസ്ഥരുമായി ഉന്തുംതള്ളും ഉണ്ടായി. തുടർന്ന് കൂടുതൽ പോലീസ് സ്ഥലത്തെത്തി പ്രവർത്തകരെ അറസ്റ്റ് ചെയ്ത് നീക്കാൻ ശ്രമിച്ചു. എന്നാൽ യൂത്ത് കോൺഗ്രസ് പ്രവർത്തകർ ശക്തമായി പ്രതിരോധിച്ചു.
മന്ത്രി രാജിവെയ്ക്കണമെന്നും അല്ലാത്തപക്ഷം സംസ്ഥാന വ്യാപകമായി പ്രതിഷേധം ശക്തമാക്കുമെന്നും Youth Congress നേതാക്കൾ വ്യക്തമാക്കി. “മന്ത്രി മരണവ്യാപാരിയായി മാറി” എന്നാരോപിച്ചാണ് പ്രതിഷേധം സംഘടിപ്പിച്ചത്.
പ്രവർത്തകർ പോലീസ് വാഹനം തടഞ്ഞു. വാഹനത്തിന്റെ വാതിൽ തകർത്താണ് മുഴുവൻ പ്രവർത്തകരും പുറത്തിറങ്ങിയത്. തുടർന്ന് വാഹനത്തിന് മുന്നിൽ കുത്തിയിരുന്ന് പ്രതിഷേധം തുടരുകയും ചെയ്തു. ഡിസിപി ഉൾപ്പെടെയുള്ള ഉന്നത പോലീസ് ഉദ്യോഗസ്ഥർ സ്ഥലത്തെത്തി സ്ഥിതിഗതികൾ നിയന്ത്രിക്കാൻ ശ്രമിച്ചു.
