മുംബൈ: ടി20 ലോകകപ്പ് ഫൈനലിൽ New Zealand national cricket team-ന്റെ എതിരാളികളെ ഇന്നറിയാം. ഇന്ത്യ-ഇംഗ്ലണ്ട് സൂപ്പർ സെമി ഫൈനൽ പോരാട്ടം വൈകീട്ട് ഏഴിന് Wankhede Stadium-ൽ നടക്കും.
ദക്ഷിണാഫ്രിക്കയെ 9 വിക്കറ്റിന് തകർത്ത ന്യൂസിലൻഡ് ഇതിനോടകം ഫൈനൽ ഉറപ്പിച്ചിട്ടുണ്ട്. മികച്ച റെക്കോർഡുള്ള വാംഖഡെയിൽ ഇന്ത്യയുടെ ലക്ഷ്യം തുടർച്ചയായ രണ്ടാം ടി20 ലോകകപ്പ് ഫൈനലാണ്.
ഇന്ത്യൻ ടീമിൽ വലിയ മാറ്റങ്ങൾക്ക് സാധ്യത കുറവാണ്. പരിശീലകൻ Gautam Gambhir കാര്യമായ പരീക്ഷണങ്ങൾക്ക് മുതിർന്നേക്കില്ലെന്നാണ് സൂചന. ബാറ്റിംഗിൽ സഞ്ജു സാംസൺ, സൂര്യകുമാർ യാദവ് എന്നിവരുടെ മിന്നും ഫോമാണ് കരുത്ത്.
ഇംഗ്ലണ്ടിന്റെ പ്രധാന കരുത്ത് ക്യാപ്റ്റൻ ഹാരി ബ്രൂക്കും വിൽ ജാക്സും നയിക്കുന്ന ബാറ്റിംഗ് നിരയാണ്. ബൗളിംഗിൽ ജോഫ്ര ആർച്ചർ, സാം കറൻ, ആദിൽ റഷീദ് എന്നിവർ ശക്തമായ സാന്നിധ്യമാണ്.
വാംഖഡെയിൽ കഴിഞ്ഞ ഒൻപത് വർഷമായി നടന്ന ടി20 മത്സരങ്ങളിൽ ഇന്ത്യ തോറ്റിട്ടില്ല. 2016 മാർച്ചിലാണ് ഇവിടെ അവസാനമായി ഇന്ത്യ പരാജയപ്പെട്ടത്. ടി20 ലോകകപ്പിൽ ഇന്ത്യയും ഇംഗ്ലണ്ടും അഞ്ചുതവണ ഏറ്റുമുട്ടിയപ്പോൾ മൂന്ന് ജയം ഇന്ത്യക്കും രണ്ട് ജയം ഇംഗ്ലണ്ടിനുമാണ്.
തുടർച്ചയായ മൂന്നാം തവണയാണ് ലോകകപ്പിൽ ഇരു ടീമുകളും സെമിയിൽ നേർക്കുനേർ എത്തുന്നത് എന്നതും മത്സരത്തിന് കൗതുകം കൂട്ടുന്നു.
