തിരുവനന്തപുരം: Sabarimala Temple യുവതീ പ്രവേശന വിഷയത്തിൽ സംസ്ഥാന സർക്കാർ നിലപാട് തിരുത്തി. ശബരിമലയിലെ നിലവിലുള്ള ആചാരങ്ങൾ സംരക്ഷിക്കുമെന്ന നിലപാടാണ് സർക്കാർ സ്വീകരിച്ചിരിക്കുന്നത്. ഇക്കാര്യം നാളെ Supreme Court of Indiaയെ അറിയിക്കുമെന്നാണ് വിവരം.
ഇന്ന് ചേർന്ന Communist Party of India (Marxist) സംസ്ഥാന സെക്രട്ടറിയേറ്റിലാണ് ഇതുസംബന്ധിച്ച് ധാരണയായത്. വൈകിട്ട് ചേരുന്ന മന്ത്രിസഭാ യോഗത്തിലും വിഷയം ചർച്ച ചെയ്യുമെന്നാണ് സൂചന.
ഇതിന് മുൻപ് Travancore Devaswom Boardയും നിലപാട് തിരുത്തിയിരുന്നു. ശബരിമലയിൽ യുവതീ പ്രവേശനം അനുവദിക്കരുതെന്ന പ്രമേയം ബോർഡ് പാസാക്കിയിരുന്നു.
ദേവസ്വം ബോർഡ് ഒരിക്കലും യുവതീ പ്രവേശനത്തെ അനുകൂലിച്ചിട്ടില്ലെന്ന് ബോർഡ് പ്രസിഡന്റ് K. Jayakumar വ്യക്തമാക്കിയിരുന്നു. ചില വ്യക്തികളുടെ അഭിപ്രായം മാത്രമാണ് മുൻപ് പുറത്തുവന്നതെന്നും 2020ൽ കോടതിയിൽ അറിയിച്ചത് അഭിഭാഷകന്റെ നിലപാടാണെന്നും അദ്ദേഹം പറഞ്ഞു.
ദേവസ്വം ബോർഡിന്റെ പ്രധാന ഉത്തരവാദിത്വം ക്ഷേത്രങ്ങളെയും ക്ഷേത്ര ആചാരങ്ങളെയും സംരക്ഷിക്കലാണെന്നും നിലവിലുള്ള ഉത്തരവിനെ സുപ്രീം കോടതിയിൽ എതിർക്കുമെന്നും ജയകുമാർ വ്യക്തമാക്കി.
സ്ത്രീ പ്രവേശനവുമായി ബന്ധപ്പെട്ട് കാലങ്ങളായി നിലനിൽക്കുന്ന ആചാരങ്ങൾ തുടരുമെന്ന നിലപാടാണ് ബോർഡ് സ്വീകരിച്ചിരിക്കുന്നത്. സുപ്രീം കോടതി നിർദ്ദേശിച്ച മാർച്ച് 14ന് മുമ്പ് ബോർഡിന്റെ നിലപാട് സത്യവാങ്മൂലമായി സമർപ്പിക്കുമെന്നും അദ്ദേഹം അറിയിച്ചു.
വിധി പുനഃപരിശോധിക്കണമോ എന്നത് കോടതിയുടെ പരിധിയിൽ വരുന്ന വിഷയമാണെന്നും തുടക്കം മുതൽ ബോർഡ് വിശ്വാസികൾക്കൊപ്പമാണെന്നും കെ. ജയകുമാർ പറഞ്ഞു.
