മൂന്നുപേരും പുലികള്, പക്ഷേ വിധി സോണിയാ ഗാന്ധിയുടെ കയ്യില്! സതീശനും കെ.സിയും ചെന്നിത്തലയും മെറിറ്റുള്ളവര് സംസ്ഥാനത്തെ മുഖ്യമന്ത്രി കസേരയ്ക്ക് വേണ്ടി മത്സരിക്കുന്ന കോണ്ഗ്രസ് നേതാക്കള്ക്ക് ഡല്ഹിയില് രാഹുല് ഗാന്ധിയുടെ വക കടുത്ത ‘ഷോക്ക് ട്രീറ്റ്മെന്റ്’. ആര് മുഖ്യമന്ത്രിയാകുമെന്ന് ഉറ്റുനോക്കിയ കേരളത്തിലെ കോണ്ഗ്രസ് പ്രവര്ത്തകര്ക്ക് തല്ക്കാലം നിരാശ മാത്രം. മൂന്ന് മണിക്കൂര് നീണ്ട മാരത്തണ് ചര്ച്ചകള്ക്കൊടുവിലും മുഖ്യമന്ത്രിയുടെ പേര് പ്രഖ്യാപിക്കാതെ ഹൈക്കമാന്ഡ് കൈ മലര്ത്തി. മുഖ്യമന്ത്രിയെ തീരുമാനിക്കുന്നത് സോണിയാ ഗാന്ധിയുമായി ചര്ച്ച ചെയ്ത ശേഷമായിരിക്കുമെന്ന കര്ശന നിലപാടിലാണ് രാഹുല് ഗാന്ധി.
മല്ലികാര്ജുന് ഖാര്ഗെയുടെ വസതിയില് നടന്ന നിര്ണ്ണായക യോഗം കേരളത്തിലെ നേതാക്കളുടെ കണ്ണ് തുറപ്പിക്കുന്നതായിരുന്നു. കെ.സി. വേണുഗോപാല്, വി.ഡി. സതീശന്, രമേശ് ചെന്നിത്തല എന്നീ മൂന്ന് പേരും മുഖ്യമന്ത്രി…
