“ബിനോയ് വിശ്വം നാലാംകിട രാഷ്ട്രീയക്കാരൻ, സി.പി.ഐയുടേത് ഉത്തരം താങ്ങുന്ന പല്ലിയുടെ ഭാവം”: രൂക്ഷ വിമർശനവുമായി സി.പി.എം നേതാവ് എസ്. അജയകുമാർ
സി.പി.ഐ സംസ്ഥാന സെക്രട്ടറി ബിനോയ് വിശ്വത്തിനെതിരെ കടുത്ത ഭാഷയിൽ വിമർശനമുന്നയിച്ച് സി.പി.എം പാലക്കാട് ജില്ലാ സെക്രട്ടറിയറ്റ് അംഗം എസ്. അജയകുമാർ. സി.പി.ഐയുടേത് ഉത്തരം താങ്ങുന്ന പല്ലിയുടെ മാനസികാവസ്ഥയാണെന്നും, തോൽക്കുമ്പോൾ ഉത്തരവാദിത്തം സി.പി.എമ്മിന് മേൽ കെട്ടിവെക്കുന്ന രീതിയാണ് അവർക്കെന്നും മണ്ണൂരിൽ നടന്ന പൊതുയോഗത്തിൽ അദ്ദേഹം പറഞ്ഞു. അഞ്ച് ശതമാനം വോട്ട് മാത്രമുള്ള സി.പി.ഐക്ക് ഒറ്റയ്ക്ക് നിന്ന് ഒരു വാർഡിൽ പോലും ജയിക്കാൻ കരുത്തില്ലെന്നും അജയകുമാർ പരിഹസിച്ചു.
