ചെന്നൈ: തമിഴ്നാട്ടിലെ രാഷ്ട്രീയ പ്രതിസന്ധിക്കിടെ T. T. V. Dhinakaran ഉയർത്തിയ ആരോപണങ്ങൾ തള്ളി Tamilaga Vettri Kazhagam രംഗത്ത്. മന്നാർഗുഡി എംഎൽഎ കാമരാജിന്റെ പേരിൽ വ്യാജ പിന്തുണക്കത്ത് ഗവർണർക്ക് നൽകിയെന്ന ആരോപണത്തിന് മറുപടിയായാണ് കാമരാജ് സ്വന്തം കൈപ്പടയിൽ കത്ത് എഴുതുന്ന വീഡിയോ പാർട്ടി പുറത്തുവിട്ടത്.
Kamaraj S സഖ്യസർക്കാരിന് പിന്തുണ അറിയിച്ച് കത്ത് തയ്യാറാക്കുന്ന ദൃശ്യങ്ങളാണ് പുറത്തുവന്നിരിക്കുന്നത്. വീഡിയോയിൽ, ടി.ടി.വി ദിനകരന്റെ അറിവോടെയും സമ്മതത്തോടെയുമാണ് പിന്തുണ നൽകുന്നതെന്ന് കാമരാജ് പറയുന്നതും കേൾക്കാം.
മന്നാർഗുഡി എംഎൽഎയുടെ പേരിൽ ടിവികെ വ്യാജ രേഖകൾ സമർപ്പിച്ചുവെന്നും ഗവർണറെ തെറ്റിദ്ധരിപ്പിക്കാൻ ശ്രമിച്ചുവെന്നും ആരോപിച്ച് ടി.ടി.വി ദിനകരൻ നേരിട്ട് ഗവർണർ Rajendra Arlekarയെ കണ്ടിരുന്നു. വിജയിയുടെ പാർട്ടി കുതിരക്കച്ചവട രാഷ്ട്രീയത്തിലേർപ്പെടുകയാണെന്ന ആരോപണവും അദ്ദേഹം ഉന്നയിച്ചു.
എന്നാൽ ഈ ആരോപണങ്ങൾ പൂർണമായും തള്ളിയ ടിവികെ നേതൃത്വം, “ആരെയും നിർബന്ധിച്ചോ പണം നൽകിയോ പിന്തുണ നേടേണ്ട സാഹചര്യം പാർട്ടിക്കില്ല”െന്നും പ്രതികരിച്ചു. കാമരാജ് സന്തോഷപൂർവമാണ് പിന്തുണക്കത്ത് തയ്യാറാക്കിയതെന്നും പാർട്ടി വ്യക്തമാക്കി.
അതേസമയം, Edappadi K. Palaniswamiയെ പിന്തുണച്ച് കത്ത് നൽകിയതായും അതിൽ കാമരാജിന്റെ ഒപ്പുണ്ടെന്നും ദിനകരൻ അവകാശപ്പെട്ടു. തമിഴ്നാട് നിയമസഭയിൽ 234 സീറ്റുകളുള്ളപ്പോൾ 118 അംഗങ്ങളുടെ പിന്തുണയാണ് ഭൂരിപക്ഷത്തിനാവശ്യമായത്. 108 സീറ്റുകൾ നേടിയ ടിവികെ അധികാര രൂപീകരണത്തിനായി ചെറിയ കക്ഷികളുടെയും സ്വതന്ത്ര അംഗങ്ങളുടെയും പിന്തുണ ഉറപ്പാക്കാനുള്ള ശ്രമം തുടരുകയാണ്.
