തിരുവനന്തപുരം:
കുന്നംകുളത്ത് യുവജന കോണ്ഗ്രസ് പ്രവര്ത്തകന് നേരെയുണ്ടായ പൊലീസ് കസ്റ്റഡി മര്ദ്ദനദൃശ്യങ്ങള് പുറത്തുവന്ന ദിവസം, മുഖ്യമന്ത്രിയോടൊപ്പം ഓണവിരുന്നില് പങ്കെടുത്ത പ്രതിപക്ഷ നേതാവ് വി.ഡി. സതീശനെ വിമര്ശിച്ച കെ. സുധാകരന്ക്കെതിരെ, യുഡിഎഫ് കണ്വീനര് അടൂര് പ്രകാശ് സതീശന് അനുകൂലമായി രംഗത്തെത്തി.
“മുഖ്യമന്ത്രിയുടെ ഓണവിരുന്നിലേക്ക് പോകുന്ന സമയത്ത് കസ്റ്റഡി മര്ദ്ദന വാര്ത്ത മാധ്യമങ്ങളില് വന്നിരുന്നില്ല. അങ്ങനെ വാര്ത്തകള് വന്നിരുന്നെങ്കില് സതീശന് അവിടെ പോയേനെയില്ല,” – അടൂര് പ്രകാശ് പറഞ്ഞു.
നിലപാടുകള് സ്വീകരിക്കുന്നതിനാലാണ് തനിക്കെതിരെ വിമര്ശനം ഉയരുന്നതെന്ന് വി.ഡി. സതീശനും വ്യക്തമാക്കി. “കേരളം മുഴുവന് ഇരമ്പി വന്നാലും ബോധ്യങ്ങളിലും നിലപാടുകളിലും മാറ്റമുണ്ടാകില്ല. സുധാകരന് കോണ്ഗ്രസ് പ്രവര്ത്തകസമിതി അംഗമാണ്. മുതിര്ന്ന നേതാക്കള്ക്ക് വിമര്ശിക്കാനുള്ള അവകാശമുണ്ട്. ആ വിമര്ശനങ്ങളെ ബഹുമാനിക്കുന്നു. എന്ത് പറയണം, എവിടെ പറയണം എന്നത് പറയുന്നവര് തന്നെ തീരുമാനിക്കണം,” – സതീശന് കൂട്ടിച്ചേര്ത്തു.
