മാനന്തവാടി: വയനാട്ടിന്റെ സസ്യസമ്പത്തിന്റെ അതുല്യസൗന്ദര്യവും കർഷകപരമ്പരയും നേരിട്ട് അനുഭവിച്ച് എം.പി. പ്രിയങ്ക ഗാന്ധി. പത്മശ്രീ ജേതാവും പരമ്പരാഗത കൃഷിരീതികളുടെ സംരക്ഷകനുമായ ചെറുവയൽ രാമന്റെ വീട്ടിലാണ് അവർ രണ്ടര മണിക്കൂറോളം ചെലവഴിച്ചത്.
നെൽവയലിലൂടെ നടന്നും അറുപതോളം വിവിധയിനം വിത്തുകൾ കണ്ടുമുട്ടിയ പ്രിയങ്ക ഗാന്ധി, പരമ്പരാഗത കൃഷിരീതികൾക്കുറിച്ച് വിശദമായി അന്വേഷിച്ചു. രാമൻ പാടുന്ന നാടൻ പാട്ടും അവർ ആസ്വദിച്ചു.
ഗോത്രവർഗ്ഗങ്ങളുടെ സംസ്കാരത്തെ പ്രതിനിധാനം ചെയ്യുന്ന പരമ്പരാഗത ആയുധമായ അമ്പും വില്ലും കൈകാര്യം ചെയ്തും പരീക്ഷിച്ചാണ് എം.പി. സന്ദർശനം സമാപിച്ചത്.
മാനന്തവാടി ബിഷപ്പിനെ സന്ദർശിച്ച് പ്രിയങ്ക ഗാന്ധി
മാനന്തവാടി: മാനന്തവാടി ബിഷപ്പ് മാർ ജോസ് പൊരുന്നേടത്തിനെ അരമനയിലെത്തി സന്ദർശിച്ച് പ്രിയങ്ക ഗാന്ധി എം.പി. വികാരി ജനറൽ
ഫാ. പോൾ മുണ്ടോളിക്കൽ, പി.ആർ.ഒ ഫാ. ജോസ് കൊച്ചറക്കൽ,
സാലു എബ്രഹാം, എ.കെ.സി.സി. പ്രസിഡന്റ്
ജോൺസൺ തൊഴുത്തുങ്കൽ, സെബാസ്റ്റ്യൻ പാലംപറമ്പിൽ, യൂത്ത് ഡയറക്ടർ ഫാ. സാന്റോ തുടങ്ങിയവർ സന്നിഹിതരായിരുന്നു.
