തിരുവനന്തപുരം: മുൻ ഡിജിപിയും തിരുവനന്തപുരം കോർപ്പറേഷൻ കൗൺസിലറുമായ **R Sreelekha**ക്കെതിരെ പോക്സോ കേസ് രജിസ്റ്റർ ചെയ്തു. തന്റെ യൂട്യൂബ് ചാനലിലും ബ്ലോഗിലുമിലൂടെ പീഡനക്കേസുകളിലെ ഇരകളുടെ പേരുവിവരങ്ങളും മറ്റ് വിശദാംശങ്ങളും വെളിപ്പെടുത്തിയതാണെന്നാരോപിച്ചാണ് കേസ്.
തിരുവനന്തപുരം മ്യൂസിയം പൊലീസാണ് കേസ് എടുത്തത്. Nirbhaya case, കിളിരൂർ-കവിയൂർ കേസുകൾ, Govindachamy പ്രതിയായ ട്രെയിനിൽ വച്ച് കൊല്ലപ്പെട്ട പെൺകുട്ടിയുടെ കേസ്, പെരുമ്പാവൂർ പീഡനക്കേസ് തുടങ്ങിയവയിലെ വിവരങ്ങൾ പുറത്തുവിട്ടെന്നാണ് പരാതി.
Civil Rights and Social Justice Society നൽകിയ പരാതിയിലാണ് കേസ് രജിസ്റ്റർ ചെയ്തത്. അതിജീവിതയുടെ പേരുവിവരം പരസ്യപ്പെടുത്തരുതെന്ന നിയമം വ്യക്തമായി അറിയാവുന്ന പ്രതി, അതിന് വിപരീതമായി പ്രവർത്തിച്ചുവെന്നാണ് എഫ്ഐആറിൽ വ്യക്തമാക്കുന്നത്.
തിരുവനന്തപുരം കോർപ്പറേഷനിലെ ശാസ്തമംഗലം വാർഡിൽ നിന്നുള്ള ബിജെപി കൗൺസിലറായ ശ്രീലേഖ, പാർട്ടിയുടെ സംസ്ഥാന ഉപാധ്യക്ഷ കൂടിയാണ്.
സിവിൽ റൈറ്റ്സ് ആൻഡ് സോഷ്യൽ ജസ്റ്റിസ് സൊസൈറ്റി സെക്രട്ടറി ആർ ജയചന്ദ്രൻ പറഞ്ഞു: കഴിഞ്ഞ വർഷം ഒക്ടോബർ അഞ്ചിന് തന്നെ പൊലീസ് പരാതി നൽകിയിരുന്നു. തുടർന്ന് കൂടുതൽ തെളിവുകളുമായി ഒക്ടോബർ ഏഴിന് വീണ്ടും പരാതി നൽകി. നടപടിയുണ്ടാകാത്തതിനെ തുടർന്ന് സിറ്റി പൊലീസ് കമ്മീഷണർക്കും ഡിജിപിക്കും മുഖ്യമന്ത്രിക്കും പരാതി നൽകിയെന്നും അദ്ദേഹം വ്യക്തമാക്കി. മുഖ്യമന്ത്രി അന്വേഷണം നടത്താൻ നിർദ്ദേശം നൽകിയിരുന്നുവെങ്കിലും, കേസ് തേയ്ച്ചുമാറ്റാൻ ശ്രമമുണ്ടെന്ന് മനസ്സിലായതോടെ ഒക്ടോബർ 24ന് കോടതിയെ സമീപിക്കുകയായിരുന്നുവെന്നും അദ്ദേഹം പറഞ്ഞു.
